چيروكا روميو و جوليێت
روميو و جوليێت كاره‌كێ هونه‌رى يێ تراژيدى
يه يێ ئه‌ديب و شاعێرێ ئنگليزى وليه‌م شكسپير, بۆ ئێكه‌م جار هاتيه به‌لاڤه‌كرن
ل سالا 1597 زايينى, و پاشى سێ چاپێن ديتر به‌لاڤكرن كو ل سالێن 1599 و 1609 و
1623 ل دويڤ ئێك, دگه‌ل جوداهيان د نڤێسارا
چيروكێ دا, ژ هه‌ژى گوتنێ يه كو به‌هرا پتر يا چاپێن نوى هاتينه وه‌رگرتن ژ چاپا
دووێ ل سالا 1599.
كارێن شكسپيرى هاتينه وه‌رگێران ژ وان ژێ
شانويا روميو و جوليێت بۆ چه‌ندين زمانان كو زێده‌ترى 100 زمانان.
ئه‌كته‌رێ بريتانى يێ به‌رنياس ريچارد بيرباج رولێ روميو گێرا د پيشاندانا ئێ:ێ دا دگه‌ل ئه‌كته‌ر روبرت جوفى يێ كو رولێ جوليێت وه‌رگرتى ل ئه‌وى ده‌مى, ژبه‌ركو تێكه‌لبوونا ئافره‌تێ د كارێن شانويێ دا ل ئه‌وى ده‌مى رێپێداى نه‌بوو.
كه‌سايه‌تيێن چيروكا روميو و
جوليێت
چيروكا روميو و جوليێت چه‌ندين كه‌سايه‌تيان
بخوڤه دگريت ژ وان ژێ:
· روميو: كو قاره‌مانێ چيروكێ يه. كورێ خێزانا
مونتيجيو يه.
· جوليێت: قاره‌مانا چيروكێ يه, ئێك ژ كه‌سايه‌تيێن
سه‌ره‌كى يا چيروكێ يه, كچا كابوليت يه خودانا سێزده سالى.
· فرير لورانس (راهب لوره‌نس): زه‌لامه‌كێ باشه
رادبيت ب هاريكاريكرنا روميو و جوليێت د نه‌خوشيا واندا.
· سيسته‌ر: هه‌ڤالا نێزيك يا جوليێتێ يه و هه‌روه‌سا
مامۆستا و خودانكه‌را وێ يه.
· مونتيجيو: مه‌زنێ خێزانا مونتيجيو, ئێك ژ
خێزانێن سه‌ره‌كى يه ل باژێرێ فيرونا, كو رويدانێن چيروكێ ل وێرێ رويدده‌ن.
· كابوليت: مه‌زنا خێزانا كابوليته, مه‌زنا
خێزانا كابوليته, ئێك ژ خێزانێن سه‌ره‌كى ل باژێرێ فيرونا, كو دژايه‌تى هه‌بوو
دگه‌ل خێزانا مونتيجيو.
· ئيسكالوس: ئه‌ميرێ فيرونا و ده‌ستهه‌لاتدارێ
وێ بوو.
· باريس: گه‌نجه‌كێ ده‌وله‌مه‌ندبوو و نێزيكى
ئه‌مير ئيسكالوس بوو.
· روزالين: مروڤا سه‌يد كابوليت بوو, كو روميو
ل ده‌سپێكا شانويێ حه‌ژێدكر.
· بينفوليو: هه‌ڤالێ روميو بوو و هه‌روه‌سا
كورێ مامێ وى بوو, و كورێ برايێ مونتيجيو بوو.
· ماركيشيو: مروڤێ ئه‌ميرى بوو, و هه‌ڤالێ
روميرو بوو.
· تيبالت: مروڤێ جوليێت بوو و هه‌روه‌سا سه‌يده
كابوليت.
· راهب جون: راهب بوو ل هه‌مان ئه‌وێ كه‌نيسه‌يێ
ياكو راهب لوره‌نس ل وێرێ.
· خاتوون كابوليت: هه‌ڤژينا كابوليت بوو.
· خاتوون مونتيجيو: هه‌ڤژينا مونتيجيو.
· بالسازار و ئابرام: خزمه‌تكارێ مالا
مونتيجيو.
· سامسون و جريجور: خزمه‌تكارێن مالا كابوليت.
رويدانێن شانويێ
رويدانێن شانويێ ده‌ستپێدكه‌ت ل باژێرێ
ڤيرونا يا ئيتالى, كو دوژمناتيه‌كا كه‌ڤن هه‌يه دناڤبه‌را هه‌ردوو خێزانێن
مونتيجيو و كابوليت, ئه‌مير ئيسكالوس كو ئه‌ميرێ فيرونايه و ده‌ستهه‌لاتدارێ وێ
يه هه‌ردوو خێزانان هشيار دكه‌ت ژ ئه‌گه‌رێ نويبوونا ئه‌ڤێ دژايه‌تيكرنێ و
تێكدانا وێ بۆ ئاراميا باژێرى و دبيت سزايێن وێ چه‌ندێ بگه‌هيته سزايێ كوشتنێ, ل
ئه‌ڤى ده‌مى روميو كه‌تبى د ئه‌ڤينا روزالين دا, روميو و هه‌ڤالێ خو دچنه ئاهه‌نگه‌كێ
ژ لايێ خێزانا كوباليت ڤه هاتبوو پێكئينان, بولێ تيبالت ب ئامه‌ده‌بوونا وان د حه‌سيت
و هه‌ولدده‌ت بو كوشتنا وى, به‌لێ خاتون كابوليت دبيته رێگر, پاشى روميو دزڤريته
ڤه پشتى ده‌رێخستنا وى كو چاڤێ وى ب جولييت دكه‌ڤيت, و سوزێ دده‌نه ئێك كو هه‌تا
هه‌تا حه‌ژ ئێك بكه‌ن, روميو راهب لوره‌نس ئاگه‌هدار دكه‌ت ب ئه‌ڤا چێبووى, راهب
رازيدبيت ب هه‌ڤژينيا وان, هه‌روه‌سا سسته‌ر دهێته ئاگه‌هداركرن ب پلانا
پێكئينانا هه‌ڤژينيێ, و ئه‌و برولێ خو رادبيت ب ئاگه‌هداركرنا جولييت ياكو به‌ره‌ڤ
راهب لوره‌نس ڤه دچيت, و ل وێرێ هه‌ڤژينيا روميو و جوليێت دهێته كرن, روميو
دزڤريته ڤه و ره‌ت دكه‌ت كو رويبروى تيبالت ببيت, ماركيشيو پێش روميو ڤه
رويبروى تيبالت دبيت, تيبالت وى دكوژيت, روميو دزڤريت بو تولڤه‌كرنا هه‌ڤالێ خو
تيبالت دكوژيت و دره‌ڤيت, و ئه‌مير بينفوليو ئاگه‌هدار دكه‌ت ب ئه‌ڤا چێبووى, ئه‌مير
برياردده‌ت روميو دوير بێخيت ژ فيرونا, سسته‌ر ئه‌ڤى ده‌نگوى دگه‌هينته جوليێت, و
سوزێ دده‌تێ كو چاڤپێكه‌فتنه‌كێ دروستبكه‌ت دناڤبه‌را واندا, ئه‌مير ئاموژگاريا
روميو دكه‌ت كو سه‌ره‌دانا جوليێت بكه‌ت ب نهێنى و پاشى ژ ڤيرونا ده‌ربكه‌ڤيت.
پاشى ژ ڤيرونا ده‌ركه‌ت به‌ره‌ڤ مانتوا.
كابوليت باريس ئاگه‌هداردكه‌ت كو دشێت هه‌ڤژينيێ
دگه‌ل جوليێت پێكبينيت د ماوێ سێ روژاندا, خاتين كابوليت ڤى ده‌نگوى دگه‌هينته
جوليێت, جولێت ره‌تدكه‌ت هه‌ڤژينيێ پێكبينت دگه‌ل باريس, ئه‌ڤه بو ئه‌گه‌رێ توره‌بوونا
بابێ وێ, پاشى به‌ره‌ڤ راهب لوره‌نس ڤه دچيت بو داخازا هاريكاريێ, باريس ل وێرێ
دبينت كو كاروبارێن هه‌ڤژينيێ رێكدئێخيت, پشتى پاريس جوى راهب پلانه‌كێ ددانيت بو
هاريكاريكرنا جوليێت, كو ده‌رمانه‌كى دده‌تێ كو هوسا ديار بكه‌ت يا مرى يه دا ژ
هه‌ڤژينى پێكئينانا گه‌ل پاريس خلاس ببيت, و روميو ئاگه‌هدار دكه‌ت ب پلانێ كو
پاشى روميو جولێت ل دويڤ پلانێ دێ به‌ره‌ڤ مانتوا ڤه چن و ل وێرێ ژين, جوليێت
دبێژته ده‌يكا خو كو رازيه هه‌ڤژينيێ پێكبينت دگه‌ل پاريس, و ل ده‌مێ جوليێت ئه‌وى
ده‌رمانى ڤه‌دخوت يێ كو راهبى دايێ, ده‌مێ هه‌ميان هزر كرى كو جوليێت يا مرى, تازى
دانان و جه‌سته‌يێ وێ ئاماده‌كر بو ڤه‌شارتنێ, به‌لێ بالسازار روميو ئاگه‌هدار كر
كو جوليێت يا مرى, روميو سويند خار كو خو بكوژيت ل ره‌خ جوليێت ڤه ل هه‌مان شه‌ڤ,
رابوو ب كرينا ژه‌هره‌كێ, ل ڤێرێ راهب جون راهب لورانس ئاگه‌هدار دكه‌ت كو نامه‌يا
پلانێ نه گه‌هشتيه روميو, لورانس مه‌ترسيا ئه‌ڤێ چه‌ندێ دزانيت و رادبيت ب ئاگه‌هدار
كرنا جوليێت.
پاريس دچيته ده‌ڤ جه‌سته‌يێ جوليێت داكو ب
رێ و ره‌سمێت تازيێ راببيت, ل وێرێ ئه‌و و روميو ب شه‌ر دچن, روميو پاريس دكوژيت,
و پاشى ژه‌هرێ ڤه‌دخوت و ب ره‌خ جوليێت ڤه دكه‌ڤيت و دمريت پاشى راهب لورانس دگه‌هيته
وێرێ دبينت كو روميو يێ مرى و جوليێت ل وى ده‌مى هشيار دبيت, ده‌مێ جوليێت روميو ب
مرى دبيت ره‌تدكه‌ت كو ژ وێرێ بچيت, و خو ب خه‌نجه‌ره‌كێ دكوژيت, پاشى پوليس و به‌رپرسێن
ده‌ڤه‌رێ دگه‌هن, راهب لورانس ئه‌و چه‌ندا چێبووى هه‌مى روهن دكه‌ت, شانو ب
دوماهيك دهێت ب پێكهاتنا هه‌ردوو بنه‌مالێن كابوليت و مونتيجيو.
روميو و جوليت روميو و جولييت قصة روميو و جولييت
