19/11/2018
ژيان
ژيانا مروڤان دهمهكه دهستپێكێ ژ دايك بوونا مروڤى دهست پێدكهت ههتا كو روژا دمريت و ژ ڤێ جيهانێ بار دكهت چ ئهڤ دهمه يێ كورت بيت چ درێژ بيت تێدا مروڤ ب گهلهك چالاكيان و كاران رادبيت و دهستكهفتيان بدهست خوفه دئينت و گرێدانێن كومهلايهتى دگهل كهسێن ديتر وهك دهيك و باب و خێزان خوشك و برا و ههفال و... گرێددهت, ژيان ئێك ژ نيعمهتێن خودايى نه يێن ب بهنديێن خو بهخشى, و بو مه جوان كريه ب سامان و عهيالى, داكو خوشيێ ژێ ببينن و كهيف خوش بين تێدا, و ئهف وهخته مروڤ تێدا دشێت باشترين شێوه بكاربينت بو سهرفراز بوونا خو ل دونيايێ و ل روژا دوماهيێ وژيانا ههروههر, ههر وهكى مه گوتى كو ژيان وهختهكێ ديار كريه كو پێدڤيه مروڤ تێدا ببوريت و دێ حسابا ههر چركهيهكێ دگهل مروڤى هێته كرن ل روژا دوماهيێ كا ب كارێن باش ڤه بوراندى يه يان كارێن خراب...
ژيان دبيت يا روهن و گهش بيت و يا بهيڤى و پر چالاكى بيت و دبيت يا نهخوش بيت و فالا ژ نويبوونێ و نهبوونا چ هيڤى و خوزيان, ئهڤه راوهستيت لسهر گهلهك ئهگهران ژ ههميان گرنگتر چهوانيا سهرهدهريا مروڤى دگهل كاودانێت تێدا دبوريت و سهركهفتن و دهربازبوون ژ ههمى ئاستهنگان, و ئهم ههمى دزانين كو هيڤيێن مهزن پێتڤى ب خو وهستاندن و ههولێن مهزنن.
و دياركرنا ئارمانجێ ل دهسپێكێ دهێته دانان كليكا سهركهفتنێ ژبهركو ئهگهر كهسهكى ئارمانجهك بو خو دانا كو ژ دل ئهو ئارمانج ههلبژارت بيت دێ ههمى ههولان كهت بو گههشتن بو وێ ئارمانجێ بڤێ شێوهى دێ ژيانێ تام ههبيت هيڤيهك ههبيت...
و بهروڤاژى ڤێ چهندێ گهلهك كهسێن ههين ژيانا خو ههميێ دبورينن بێ كو هيچ ئارمانجهك ههبيت ههروهكى دبێژن بتنێ دژين داكو بخون و بخون و ئهڤه چ پێنهڤێت يا خهلهته ژبهركو ژيان ژ وێ چهندێ مهزنتره و مروڤ دشێت كارێن مهزن تێدا ئهنجام بدهت و بگههيته گهلهك ئارمانجان بهلێ پێتڤيه ئهو ئارمانجه ل دهسپێكێ بهێنه دياركرن...
14/10/2018
پاشكهفتنا ئاستێ خاندنێ و زانينێ ل ههرێما كوردستانێ
ئاستێ پێشكهفتنا ههر ولاتهكى ب ئاستێ پێشكهفتنا خاندنێ ڤه گرێدايه, چ پێنهڤێت قوتابخانه دئێته هژمارتن ژ منارا زانستێ و پێشئێخستنا روشهمبيريێ و پێگههاندا جيلێن داهاتى, كو ئهڤ جيلێ پێگههشتى و روشهمبير دبنه گرنتى بۆ پاشهروژهكا گهش بۆ ولاتى.
و لكهفندا قوتابخانه ههرچهنده ساده و دهسپێكى بوون وهك ئاڤاهى و كێميا پهرتوك و پێدڤيێن خاندنێ بهلێ بتمامى ب ئهركێ خو رابيه ب روشهمبيرى كرنا جيلێن داهاتى بهلێ پا يا نوكه ئهم دبينن قوتابخانه بتمامى ب فى ئهركى رانابن و ئهو جيلێن دهێنه دهرچوون ژ قوتابخانێن نوكه نه وهك يێن بهرێنه ژلايێ ئاستێ روشهمبيرى و تێگههشتنێ ڤه, و خو ئهگهر بتنێ يا مه ئاخفتن ژێ بيت ل سهر ڤى بابهتى بهلێ ههر گرنگى يا خو يا ههى ژبهركو گهلهك جار دووبارهكرن و گهنگهشهكرن ل سهر ئاريشهكێ دبيته ئهگهرێ هندێ سهرنجا بهرپرسان رابكێشيت و ل پاشى چارهسهركرنا وێ ئاريشێ.
ئهگهرێن پاشكهفتنا ئاستێ خاندنێ گهلهكن كو گرێداينه ب چهند لايهنهكان ڤه و ل خارێ دێ هندهك ئهگهران دمه بهرچاڤ:
ئهگهرێن گرێدايى ب لايهنێن حكومى ڤه
1- كێم بوونا گرنگيدانا لايهنێن بهرپرسيار يێن حكومى ب خاندنا ناڤخو و نه گرنگى دان ب قوتابخانان ژ ههمى لايهنان ڤه.
2- كێميا موچێ مامۆستايان كو وهلێ هاتيه مامۆستا هزر دموچهى و چهوانيا رێڤهبرنا ژيانا خو بكهت ژلايێ ماددى ڤه پتر ژ چهوانيا فێركرنێ و وانه گوتنێ.
3- گرنگى نهدانا لايهنێن حكومى ب پێشئێخستنا قوتابخانان ژ لايهنێ سيستهمێ خاندنێ ولايهنێ پێدڤيێن خاندنێ د ههمى بواران دا, و دير كهتن ژ رێك و سيستهمێن نوى و يێن جيهانى يێن كو قوتابخانێن جيهانێ بكاردئينن, ههروهسا بكارنهئينانا رێكێن پێشكهفتى يێن تهكنولوژى د سيستهمێ خاندنێ دا وهك داتا شوو و لاپتوپ...
4- گرنگى نهدان ب ئاستێ ماموستايان و نه ڤهكرنا خولێن فێركرنێ ل سهر سيستهم و رێكێن نوى يێن خاندنێ, و نه باشيا ئاستێ هندهك ماموستايان كو ب مخابنيڤه گهلهك ماموستايا ئهم دبينن كو بێ بهرچاڤ وهرگرتنا ئاست و برواناما وى هاتينه دامهزراندن و هندهك ژ وان ههر خاندن تمام نهكريه و نوكه ماموستانه ب بهلگه ئهڤ چهنده يا ههى.
5- كێميا رێژا بوجهى ياكو هاتيه تهرخانكرن بو وهزارهتا پهروهرده, كو برێكا وێ بوجهى سيستهمێ خاندنێ و پێدڤيێن خاندنێ بهێنه دابين كرن و پلان بهێته دانان بو پروژێن پێشئێخستنا ئاستێ خاندنێ.
6- بهرهڤ پێش نهچونا ئاستێ سيستهمێ پهروهردێ دگهل پێشكهفتنا زانستێ لسهر ئاستێ ولاتێن پێشكهفتى.
7- گرنگى نهدان ب ئاڤاهيێ قوتابخانان, نه بتنێ گرنگى ب لايهنێ تيورى بتنێ ڤه, بهلكێ ژلايێ پراكتيكى ڤه گرنگى پێ ناهێته دان, وهك نهبونا پهرتوكخانێ و تاقيگهها دناڤ قوتابخانێ دا, و پال نهدانا قوتابيان بو خاندنا كتێبان و روشهمبيرى كرنا وان, ههرهوسا ژلايێ خوشيێ و دهم سهربوراندنێ ڤه وهك نهبوونا هولێن وهرزشى هونهرى و جهێن فێركرنا كارێن دهستى و چێكرنا خارنان و ...
ئهگهرێن گرێدايى ب مامۆستايانڤه
1- بێ گێولى و نه بونا حهزا فێركرنێ ب شێوهكێ درست ژ لايێ مامۆستايان ڤه, بهلكى بتنێ هزركرن د موچهى دا نهكو هزرا كارێ خو يێ پيروزئهو ژێ فێركرنه و پێشئێخستنا شيانێن خو ئهڤه ژێ ژ ئهگهرێ موچهيێ كێم يێ كو ب درستى ژيان پێ برێڤه ناچت.
2- و ههروهسا هزركرن وهك كار بهرامبهر پارهكى (موچهى), و ژبهر كو موچه زێده يێ كێمه گهلهك ژ مامۆستايان هوسا هزردكن كو ژ قهستان خو د وهستينن و ئهو وهستيان بهرامبهر وى موچهى ناهێت, و ژبيركرنا ئارمانجا سهرهكى يا پيروز كوئهو ژێ زانين و فێركرنه, و بێگومان ههمى مامۆستا هوسا هزرناكن بهلێ پا ئهڤ هزره ژێ يا ههى.
3- خو نهوهستاندنا هندهك ماموستايان ژ بو ئهگهرێن ماددى, وهك باش نه گوتنا وانان و ل بهرامبهر هندێ ئهو ماموستايه گهلهك يێ ب ناڤ و دهنگه ب وانێن تايبهت, ئهڤ چهنده ژێ يا ههى و بهربهلاڤه.
4- نه باشيا شێوازێ وانهگوتنا هندهك ماموستايان كو نهشێن پێزانينان ب شێوازهكێ باش بگههيننه قوتابى.
5- گرنگى نهدان ب فێركرنا قوتابيان بچهوانيا بكارئينانا ئاميرێن موبايل و كومپيوتهر و بكارئينانا ئنترنێتێ بشێوهكێ دروست.
6- نهگوتنا وانێ ژلايێ مامۆستاى لديڤ باوهرنامه و تايبهتمهنديا وى, وهك ماموستايێ كورديێ وانا ئنگليزيێ يان وهرزشێ بێژيت.
ئهگهرێن گرێدايى ب قوتابيانڤه
1- رێز نهگرتنا قوتابى بۆ ماموستاى و پيروزيا ناڤێ وى.
2- نه پێگريكرنا قوتابيان بو ئهركێن وان بتمامى و چێدبيت ئهڤه ببيته ئهگهرهك كو مامۆستا ههست بكهت كو پێكولێن وى ههمى بێ مفا بوون و كارتێكرنێ ل ئاستێ وى بكهت.
3- نه مانا رێزگرتنێ دناڤبهرا قوتابى و مامۆستايان دا كو دبيته ئهگهرێ كێم بونه بها و رێزا قوتابخانێ و ماموستايا وقوتابيان.
4- گرنگى نهدانا كهس و كارێن قوتابى (خێزان), و لديڤ نهچوونهكا دروست بو قوتابى.
هندهك پێشنيار و خالێن چارهسهر
بتنێ ئهڤه هندهك خالن دئێنه خاندن و ژبيركرن و بتنێ د راپورتان دا دئێنه نڤێسين بمخابنيڤه نا ئێنه جێبهجێكرن.
1- گرنگى دانا لايهنێن بهرپرسيار و حكومي ب پروسا خاندێ و دابينكرنا ههمى پێتڤيێن خاندنێ.
2- پێداچوون ب ياسا و سيستهمێ خاندێ بو زڤراندنا بهايێ قوتابخانا و خاندنێ.
3- پێداچوون ب ليستا ماموستايان دا و پشتراستكرن ژ ئاست و شيانێن وان يێن فێركرنێ و دهمێ ههبوونا مامۆستايهكێ نه ل ئاستێ پێتڤى پێشئێخستنا شيانێن وى يان ديركرنا وى ژ كارێ مامۆستايێ.
4- زێدهكرنا موچێ ماموستايا بۆ پالدانا وان دا كو بدروستى ب ئهركێ خو رابن.
5- بهردهوام پێداچوون ب سيستهمێ خاندنێ و پێشئێخستنا وێ دگهل پێشئێخستنا سيستهمێ خاندنێ يێ جيهانى.
6- ههستكرنا مامۆستايان ب پهرپرسياريێ بهرامبهر قوتابيان و ئهركێ وان يێ پيروز و نه بهرامبهركنێ بهرامبهر موچهى.
7- خو وهستاندنهكا پتر ژلايێ ماموستايێن بهرێزڤه بو گههاندنه پێزانينان بو قوتابيان و بكارئينانا پتر ژ شێوازهكى د فێركرنێ دا.
8- ڤهكرنا خولێن فێركرنێ بو مامۆستايان ب بهردهوامى ل سهر نويترين شێوازێن فێركرنێ و بكارئينانا وان شێوازان د قوتابخانان دا.
9- گرنگى دان ب ئاڤاهيێ قوتابخانان, نه بتنێ گرنگى ب لايهنێ تيورى بتنێ ڤه, بهلكێ ژلايێ پراكتيكى ڤه گرنگى پێ بهێته دان, وهك بونا پهرتوكخانێ و تاقيگهها دناڤ قوتابخانێ دا, و پالدانا قوتابيان بو خاندنا كتێبان و روشهمبيرى كرنا وان, ههرهوسا ژلايێ خوشيێ و دهم سهربوراندنێ ڤه وهك ههبوونا هولێن وهرزشى هونهرى و جهێن فێركرنا كارێن دهستى و چێكرنا خارنان و ...,بهلێ ب مخابنيڤه چ ژڤان تشتان دقوتابخانێن مه يێن ههرێما كوردستانێ يان رێژا ههره بلندا قوتابخاناندا نينن.
10- سهرپهرشتيكرنا كهس و كارێن قوتابى (دخێزانێ دا) ب شێوهكێ باشتر.
11- بهرچاڤ وهرگتنا رولێ ماموستاى ژلايهنێن حكومي ڤه.
12- پێشئێخستنا شێوازێن فێركرنێ, و گهورينا وان ژ شێوازێ تيورى ب شێوازێ تيورى و پراكتيكى دههمى لايهنان ڤه.
13- گرنگى دان ب فێركرنا قوتابيان بچهوانيا بكارئينانا ئاميرێن موبايل و كومپيوتهر و بكارئينانا ئنترنێتێ, ههروهسا بكارئينانا رێكێن پێشكهفتى يێن تهكنولوژى د سيستهمێ خاندنێ دا.
14- بهردهوام فهكرنا خول و ههڤركيان ل سهر ئاستێ ناڤخويا قوتابخانێ و ل سهر ئاستێ قوتابخانان بگشتى.
ههروهسا گهلهك خالێن دى كو ب گهنگهشێن بهرفره يێن كهسێن بهرپرسيار و بخهمخورى و بههولێن بهردهوام دشياندايه چارهسهريا ئاريشا پاشكهفتنا ئاستێ خاندنێ بهێته كرن ئهگهر بتمامى نهئێته چارهسهركرن ژێ دێ ژ گهلهك لايهنانڤه چارهسهرى بو هێته دهستنيشان كرن و بجهئينان.
: بهشداريكرن برێيا
دایکێ حهفت کور خودان کرینه لێ حهفت
کوران دایکهک ژ برسان کوشتيه
دژمنێ ئاقلمهند ژ ههڤالێ خاین
چێتره
ب پهیڤهکێ مرۆڤ دههره جنهتێ،و ب
یهکێ مرۆڤ دههره جههنهمێ
ب پهیڤێ پاخر نابه زێر
ب چاڤێن زل بەرێ خوبدە برینێن کول
ب خوهزیا دهست ناگهیژه باقێ کهزیا
بخوزيا دهست ناگههته جوتێ كهزيا
ب دەستا ددەت و ب پیا ل دویڤ دگەرێت
ب قاسی خوه بپهیڤه
ب گۆت گۆت مرۆڤ ناههره جۆت
ب ههڤالێ خوه نهکهنه وێ وهره
سهرێ ته ژی
ب هێجەتا سلکێ خو گەهاندە کوتلکێ
ب وەریسێ خەلکى نەچە کەڤرى
بار ناچت بهر کهری، کهر دچت بهر
باری
باران دباره ئهرد خوه دپهسنینه
بارێ هێجەتا کەسێ بارنەکرى یە
باز ب بازا، قاز ب قازا، مریشکا کۆر
ب دیکێ کولهک ڕه
بازارا مال و باژێر ل هاڤ نةکه
باش بە دا خەلک بەحسێ تە بباشى بکەن
باشی و خهرابی ههردوو ژی د دهستێ
کهسان ده نه
باشیێ بکە و بەردە ب ئاڤێدا
بچووکا مهزن نهکه،مهزنا بچووک نهکه
برا برا یه حهساب ل دهرا هه یه
برا برایە بازارێ جودایە
برینا خۆ ب دهستێ خۆ دهرمان بکه
برینا ل ههڤالان تیرا ل کهندالان
بریندار ب برینا خوه زانه
بلا تو خویندار بی نه دهیندار بی
بلا ڕوویێ مرۆڤى ب ئێشت بلا سهرێ
مرۆڤى نه ئێشت
بلا ڕێ به بلا دوور به
بلا زکێ مرۆڤ تێر به بلا قالکێ دێر
به
بلا سئوودا مرۆڤ ههبه، بلا ئالیکی
مرۆڤ تونهبه
بلا شێر تە بخوت و بلا رویڤى حیلێ ل
تە نەکەت
بلا شین د مالان ده به شهر نه د
مالان ده به
بلا كچ بت بلا پير بت
بلا کەرێ مروڤى بیت نە هێسترا خەلکێ
بلا گرتیێ حهپسا به بلا نه مریێ
گۆرا به
بلا مرۆڤ ب خوه خوهدی ڕوومهت به
نه د بن سیا یێ ب ڕوومهت ده به
بلا مرۆڤ دیکلێ رۆژەکێ بیت نەک
مریشکا هەر و هەر
بلا مرۆڤ ههره سهر حهفت ههویان،
نهره سهر دو سێویان
بلا نابێژه ڤای ئهز هاتم
بلا ناڤێ مرۆڤ دهرنهکهڤه قوونا
مرۆڤ دهرکهڤه
بلا ئاڤس به بلا دهرهنگی به
بلا ئاڤسبه کهنگی دزێ بلا بزێ (بلا
ئاڤز بت كهنگى بزێت بلا بزێت)
بلا ئەو بچیتە دەڤ بیکێ یێ ساڤار
خوارى
بلند نهفره تێ نزم بکهڤه (بلند
نهفره دێ نزم كهڤى)
بهارا خوه شل نهکن، پایزان خوه
گێرۆ نهکن
بهارا من بەهر تێنە، بلا کەر وگولک
تێ بچەرن
بهحرا وانێ ب دهڤێ تاژیکی حهرام
نابه
بهخت کهلها مێرا یه
بهختێ ڕۆمێ تونه یه
بهر سیا ڕۆڤی ده نهبه بلا شێر ته
بخوه
بهر ل جیهێ خوه ب قهدره
بهرتیل کهڤرا نهرم دکت
بهرخێ خهلکێ د کۆزا مرۆڤ ده مهزن
نابه
بهرخێ نێر ژ بۆ کێر
بهرخێ نێر ژ بۆنا کێرێ یه
بهق نهقوره وێ بدره
بهلهنگاز چوونه دزیێ،ههیڤ ل وان
دهرکهتیه
بووک ل ههسپێ یه کهس نزانه ڕسقێ
کێ یه
بووکا سالێ قهشمهرا مالێ
بۆ خەلکێ عەدەتە بۆ من قبحەتە
بێ خیرەت ناچنە بەهشتێ
بێ مالۆ بێ خاتی بێ خالۆ، ب مالۆ ب
خاتی ب خالۆ
بیستانا نە دانە بەر نهالا ژنێ
نەئینە ژ خرابە مالا
بیک ب دلێ زاڤایە ما خەلکێ شولە ژێ
یە
بینە کچا جل سالى نەئینە بێژنا بیست
سالى
: بهشداريكرن برێيا
26/02/2018
راستگويى
رهوشتێ باش بنياتێ ژيانا جڤاكا نه, و بنياتێ پێشكهتنا
جڤاكى يه, و جڤاكێ رهوشتێن باش و بهرز تێدا نهبن جڤاكهكێ پاشكهفتى و گهندهله,
پهيڤا رهوشت نه بتنێ بو سيفهتهكا مروڤى دهێته گوتن بهلكو يا گشتگيره, پيڤهره
بۆ ههمى رهفتارێن وسيفهێن مروڤى, و ژوانان راستگوى, راستگوى ژ سيفهتێن مروڤێن
باش و سهكهفتى يه, راستگويێ بنياتێ گهلهك رهوشت و سيفهتێن دى يه وهك
پێگريكرن ب سوزان كو كهسهك نهشێت يێ سوزدار بيت ئهگهر يێ راستگو نهبيت, و بهروڤاژى
راستگويێ درهوينى يه كو بێ گومانه لدهڤ ههمى كهسان كو ژ سيهتێن خراب و نهباشه,
راستگويى ئێك ژ رهوشتێن باشه كو پێدڤيه ل دهڤ مروڤى ههبيت داكو يێ كهيف خوش
بيت ژبهركو مروڤێ راسگو يێ خوشتڤيه و ههمى كهس حهژێ دكهن, ههر ژبچيكاتيێ
لسهر دهيك وبابان پێتڤيه بنياتێ راسگويى لدهڤ زروكێن خو بچينن و دير بێخم ژ
درهوان داكو لسهر رستگويێ راببيت ژبهكو كهسهك ژبچيكتيێ ل سهر درهوێ رابت ههتا
مهزن بيت گهلهك دێ يا بزهحمهت بيت بشێت رهوشتێ خو بگهوريت و درهوان بهێليت
و لڤێرێ گرنگيا دهيك و بابان ديار دبيت دئاڤاكرنا جيلێ داهاتى دا, راستگويى ژ
ئنيهتێ دهستپێ دكهت كو مروڤ دئينيهتێن خودا يێ راستگوبيت و پاشى ب ئهزمانێ خو
كو ئهڤ ئهزمانێ ههى درهو ژێ نهدهركهڤيت ئاخفتنێن راستگويانه بێژيت و ههروهسا
كار و كريار, كو دكارێن خودا يێ راستگو بيت چ ئهڤ كاره يێ وى يێ تايبهت بيت وهك
دكاندارى و بازرگانى و ... كو تشتى گران نهكت و بهايێن سهخته و داشكاندنێن سهخته
نهدانيت بو سهردابرنا خهلكهكى وهك نوكه ئهم دبينن داشكاندن ژ 75% بورينه
لگهل جهان و ههمى ژ درهو چ بنيات بو نه ههى, و چ كارێ وى گرێداى ب حكومي ڤه
ههبيت وهك ماموستا دختور و فهرمانبهر و پهرلهمانتار..., كو راستگو بن دكارێ
خودا كارێ خو بدرستى ئهنجام بدهن درهوێ و گهندهليێ نهكهن.
راستكوى راستگوى راستگويي صدق امانه درهو دره و كذب دارشتن
: بهشداريكرن برێيا
گول
گول
بديمهنێ خو يێ جان و ئارام بو دهرونى دئێته نياسين, و ب بێهنێن خو يێن خوش و سهرنجراكێش,
و لبههراپترا باخچێن مال و يێن گشتى دئێه چاندن ژبهركو جانيهكا زور ددهه دهوروبهر,
گهلهك جورێن گولان ههنه كو ژێك جودنه د رهنگێ خودا و د بێهن و شێوێ خودا و د
دهمێ شينبونێ دا, و ههر جورهك ژگولان رامانهكا جودا ژێ دچيت و هندهك ژ گولان
هێمايێ تشتهكێ دياركرى نه و بوينه سنبول و هێما بو تشهكى, بو نموونه گولا
فلامينگو هێمايێ باشرابوون ب ئهركێ مێهفانداريێ يه, گولا روژێ هێمايه بو ئنيهتا
پاقژ, گولا چيچكا بهحشتێ هێمايێ كهيفخوشيێ يه, گولا روسى هێمايێ ئهڤينيێ يه و
..., ههردهم ئهم ههولددهين ل تشتهكى بگهرين كو بهايهكێ زور ههبيت كو
بشێنه بكهنه ديارى بو وان كهسێن ئهم حهژێ دكهين, لدوماهيێ ئهم دبينن كو
گول باشترين ديارى يه, گول رامانا راست ددهت بو ههڤالينيێ و ئهڤينيێ و
رێزگرتنێ..., هێمايێ دلپاقژيێ و جوانيێ, گول بو گهلهك مهبهستان دهێنه
بكارئينان, گهلهك ههلكهفتێن جڤاكى وهك داوهتان و ل سهركهفتنان و دهرچوون
ژ خاندنێ و سهرهدانا نهخوشان و ههتا ل تازيان ژێ... و ل هندهك ئول و ئايينان
وهك هێمايێ ئايينى دئێته بكارئينان.
: بهشداريكرن برێيا
03/01/2018
ئه ڤرو دهنگێ
موزيكێ يێ دژهنيت
و بێهنا گولا يا
دفريت
دلێ من ژ خهريبيێ
تژى دبيت
هه ستێن من يێ
دشكێن ودبنه پرت
وهێشتا ئهز يا
لهيفيا سوزاته
ئه وا ته داى من
بهرى بێزى دێ ته بينمهفه
با ئهڤرو ئه و
ژفانه بزفرى
به لێ ته نابينم
دا بكهم شاهى
وهره هێدى هێدى
سهرێ خو دانه سه ر سنكێ من
چهوا يێ ئاوازێن
عهشقاته دبێژيت دلێ من
لبهنداته مه بهرى
ژڤانێ روژ ئافابونێ
چنكى ته گوتبو
دێ هێم بهرى روناهى بچيت ونهبينم دێمێ گولێ
لبهندا تهمه
و دێ لبهندا هاتنا تهبم
چنكى دل دبێژيت
هه ردێ خو لێ گرم
چ جار ژبيرناكه
م وێ ئهڤينێ
هندى مابم لڤێ
ژينێ
: بهشداريكرن برێيا
ناما نه نڤێسه و
بهنێره, بێ ته يا ئارامم چنكى دهمێ دگهل ته دل دگريا بهر ئاخ و نالينا و ئهگهر
تو بوى سهركێشێ ئاخينێ ته ئهز كرم وهكى دينا ته هێلام رحهكا بريندار خوشيێن
من برن و هێلان گرى و زيمار, وان شهڤێن درێژ بهر برينا من دكره ههوار خهو من
ناس ناكهت بهر ئهڤينا ته يا دژوار حهيفه بێژنه كهسێن وهك ته ئهڤيندار.
: بهشداريكرن برێيا
دێ مينى
جوانترين قهدهرا من
ل پهرتوكــــا بيرهاتنێـن مـــن
بتنێ ناڤـــــــێ ته يێ تــــــــێدا
ل ناڤ پهرتوكــــا وێنێن مـــن
بتنـــــێ
وێنــێ ته يێ تێـــــــدا
ل
ناڤ ئهڤى دلـــــــێ مـــــــن
بتنێ
جهــــــێ ته يــــێ تێــــدا
بزانه
دههمــــى ژيانا مـــــن دا
بتنـــــــێ
ڤيانــــا ته يا تـــــــێدا
ب
درێژاهيـــــــــــا ژيــــێ خۆ
بهس
دێ ڤيانـــــا ته ههلـــگرم
خهما
دوريـــــــا ته گرانـــــــه
باوهرناكــــــم
خو لبــــهر بگرم
ئهگهر
جارهكـــــــێ ئهز مـــرم
بزانــــه
بهس ژبهر ته دێ مـرم
: بهشداريكرن برێيا
31/12/2017
راستگويى
مروڤ درهفتار و هزرێن خو دا ژێك
جودانه , سهرجهمێ رهفتارێن ههر كهسهكى رهوشتێ وى رون و ئاشكهرا دكهن كا
ئهو كهسه تا چ راده رهوشتێ وى يێ باشه يان خرابه, سێ جورێن رهفتاران ههنه,
هندهك رهفتار ههنه لدهڤ ههمى كهسان رافتارێن درست و باشن وهك هاريكاريكرن
و خێر دگهل كهسێن ههژار و بهردهست تهنگ و راكرنا ههر خرابيهكێ درێكا خهلكێ
دا بيت و پاقژى و بێهنفرههى و..., و هندهك رهفتار ههمى كهس ژێ رازى
نينن و نه جهێ قهبيل كرنێ نه وهك دزيكرن و كوشتن و گهندهلى و پيساتى و تورهى
و ..., و هندهك رهفتار لدهف هندهكان باشن و درستن و لدهف هندهك كهسێن دى
نه ددرستن و رهفتارێن خهلهت دئێنه هژمارتن.
رهوشتێ باش پێك دهێت ژ هندهك داب
ونهريت و ياسايان كو هاريكاريا رێكخستنا ژيانا مروڤان ددهت بۆ سانههى كرن و
باشتركرنا رێڤهچونا ژيانێ, چ ئهف رهفتاره بهرامبهر كهسهكى دى بيت يان رهفتاركرن
بهرامبهر خودايى بت يان خو رهفتار بهرامبهر گيانهوران ژێ بيت, و چ گومان
تێدا نينه كو رهوشتێ باش ناڤهروكا نامێن ئول و ئايێنێن ئاسمانى ژێكه, وهك
ئايێنێ ئيسلامێ كو كريه ژ كارێن سهرهكى كو ههر كهسهك بهرپرسياره بهرامبهر
رهوشتێ خو ب پاداشت كرنێ ئهگهر يێ باش بيت و ب سزادانێ ئهگهر رهوشتێ خراب بت.
و ژلايێ جڤاكى ڤه رهوشتێ باش رولهكێ
گرنگ يێ ههى كو جڤاك ببيته جڤاكهكێ ساخلهم و پێشكهفتى و دير ژ تاوانان,
هزركرنا ههر كهسهكى دگهل رهوشتێ وى دوو تشتن ب رامانهكا گهلهك نێزيك ژئێك,
ژبهركو دڤێت رهوشت ژ ناڤا ناخ و هزرێن مروڤى دهركهڤيت و رهنگ ڤهدت سهر رهفتاران,
و گهلهك يا بزهحمهته كهسهك ههبيت يێ درست بيت دههمى رهفتارێن خودا و رهوشتێ
وى 100% يێ درست و باش بيت, دڤێت ههر كهسهك ههول بدهت رهوشتێ خو باشتر لێبكهت
و ههول بدهت كێمترين خهلهتيا بكهت ئهگهر نه ئهو كهسه دێ يێ كێم بيت
دچاڤێ خهلكى دا و چ رێز لێ ناهێته گرتن و ژ لايێ ئايينى ڤه و لدهڤ خودايى ژێ
كهسهكێ كێم دئێته دانان, خودێ رهوشتێ مه باشتر لێبكهت و گهندهلى و خرابى
و دزى و تاوان و ههتا دوماهيێ ژ رهفتار و رهوشتێن خراب دناڤ مهدا نههێليت و
جڤاكێ مه پارێزيت.
راستكوى راستگوى راستگويي صدق امانه درهو دره و كذب دارشتن
: بهشداريكرن برێيا