كار

کارکرن ئەو ئەرکێ پيروزە یێ مروڤ ئه‌نجام دده‌ت ژبۆ دابینکرنا قیتێ خۆ يێ رۆژانە وهەمی پێدڤیێن دی یێن ژیانێ وەکو خوارن وڤەخوارن وجلوبەرگ وجهێ ئاکنجیبوونی، ب رێکا کارکرنێ دشێت ئەڤان هەمی پێدڤیان بدەست خۆ بێخیت. ب کارکرنێ مروڤ دشێت پارێزەریێ ل سەر سەنگا خۆ بکەت وەکو مروڤ وکەرامەت وهەیبەتا خۆ پێ بپارێزیت، چونكى دەما کارنەکەت دێ دەستێ خۆ ل بەر کەسەکی درێژکەت، ئەو کەس چەندێ نێزیک ژی بیت دێ هەر جورە شکەستنەک بۆ مرۆڤی تێدا هەبیت.

لەوا کارکرن کارتا گرنتيا ژیانەکا بەختەوەرە، هەر کەسەک ژی ل دویڤ حەز وشیانین خۆ کارێ خۆ هەلدبژێریت، هەیە دبیتە ماموستا وهەیە دبیتە پولیس وهەیە دبیتە فەرمانبەر وهەیە دبیتە نۆژدار وهەیە دبیتە سەرکردە وهەیە دبیتە کرێکارەکێ کەد حەلال، یا گرنگ مرۆڤ کاربکەت ودەستی ل بەر کەسێ درێژ نەکەت، ‏ لەو زۆرا گرنگە حکومەت گرنگیێ بدەتە کاری وکاری بۆ هەمی تەخێن کومەلێ دابین بکەت ب تایبەت گەنجان، چونکە دەستپێکا ئاڤاکرنا خێزانان ژ ئەوی گە نجی دەست پێدەکەت، هەردەما چڤاک هەمی بکارکەڤت و هەمیان پێکڤە وب ئێک دەست ودل کارکر، دێ وەلات پێشکەڤیت ودێ یێ پاراستی بیت ژ کێش وناڵوزیان، چونکى ئەگەرێ سەرەکی يێ دزیێ وتەعدای وفێلیبازیێ وسەخت ودرەوێ هەمی بێکارییە

خودایی مەزن د فەرمووت: (هُوَ ٱلَّذِى جَعَلَ لَكُمُ ٱلْأَرْضَ ذَلُولًا فَٱمْشُواْ فِى مَنَاكِبِهَا وَكُلُواْ مِن رِّزْقِهِۦ ۖ وَإِلَيْهِ ٱلنُّشُورُ)

کەواتە ئەوی ئەڤ ئەردە بۆهەوە تەرخانکرییە، هین ژی دناڤدا هەرن وبگەرن وبۆخۆ کاربکەن ژهەمی خێروخێراتێن وێ بخۆن وڤەخۆن وبزانن دێ هەر زڤرنە بەر دەستێ وی ڤە، کەواتە کار شەرەفە د هەمی ئاینێن ئاسمانی وهەمی یاسایێن مروڤاتیێ ژێ دا.

دارشتن كار

: به‌شداريكرن برێيا

f

t

g+