ئازادی
دڤێت بزانین گەنج دینامۆیێ ئایندەینە وجهێ ئومید و هیڤیاینە و ئەون
یێن کار وکریار دکەڤنە لبەردەست و ژ گەنجان وەزیر وپاشا ومیر وزانا
وئەندازیار ونوژدار
وپەروەردگار ڕادبن لەورا دێ کلیلێن چاکی وخۆشیێ کەڤنە لەپێ ئەوان، داکو
ببنە باشترین نەوە بۆ باشترین باب وبابکال دڤێت گەنج خۆ کاربکەت ب جوانترین
ڕەوشت و تازەترین خاسلەت وببیتە رووناهی ورووناکی د ناڤ خەلکیدا وببیتە
ژێدەرو سەرچاڤێ باشیێ وپاکیێ.
ئازادی بەرهەمێ خەبات وتێکۆشان وماندووبوونا ئەڤان گەنجایە، ئازادی ئەنجامێ خوین ڕیشتن وگیان ژدەستدانێیە، بێی ئازادی مللەت یێ مرارە.
ئازادی ئەوە تۆیی سه‌رچەماندای نەبی، یێ دەست بەردارێ مافێن خۆنەبى،
یێ ڕژدبی ل سەر ڕاستیێ، چنکو بێ ئازادی ژیان ب رێڤە ناچیت، زارۆ د مالا
خۆدا یێ ئازاد نەبیت دێ
تۆشی کێشێن دەروونی بیت، قۆتابی د پولێدا تا رادەکێ یێ ئازاد نەبیت
پرۆسێسا فێرکرنێ دێ یا لاوازبیت وبەرهەمێ خۆ نابیت، هەڤوەلاتی وهاونشتمانی
د ئاخا خودا یێ ئازاد نەبیت ژیان دێ یا نەخۆش وسەخت ودژواربیت.
بەلێ یا گرنگە ژی بزانین ئازادیێ سنوورێن خو هەنە، چنکو نابیت بەرەلایيێ وسەرپێخۆداچوون
وتەمدایێ وبێ رێزی ب ئازادی ل ناڤ بکەین، ئەڤە ڕەفتارێن نەجوانن
وچڤاکی نەخۆش دکەن وگرفت وپرسە وکۆسپ وتەگەرە دروست دبن وجڤاک بەرەف
نهالەکا تاری دچیت. بەلکو ئازادی ئەوە مرۆڤ یێ سەربەست بیت د بازنی ژیان
خۆدا بێی کارتێکرنێ ل ژیانا کەسێن دی بکەت.
ل دووماهیێ دێ بێژم گەل وجڤاکێ ئازاد پێشدکەڤن، بەروڤاژی جڤاک دێ یێ نەساخ
بیت وکۆما گرفت وئاڵوزیا بیت.
دارشتن ئازادى ئازادي ازادي ازادى
