بازرگانى
بازرگانى
ئانكو پێكگوهارتنا كه‌ل و په‌لان، يان خزمه‌تگوزاريان، يان هه‌ردووكان
پێكڤه. ئه‌و جهێ بازرگانى تێدا دئێته ئه‌نجام دان بشێوه‌كێ كلاسيكى دبێژنێ بازار
(سيك) و ل پاشان په‌يڤا بازار بو په‌يڤه‌كا به‌رفره د رامانا خودا و كو بازرگان
دشێت كه‌ل و په‌لێن خو بڤروشيت د بواره‌كێ به‌رفره‌هدا نه گرێدايى ب ئێك جهڤه.
تێدا بازاركرن دئێته كرن ل سه‌ر بهايێ وى كه‌ل و په‌لى ئه‌ڤێ دێ هێته فروتن و
بها دهێته دان ب پاره‌ى، كو جياواز دگه‌ل شێوازێ خو يێ كه‌فن يێ بازرگانيێ كو ب شێوێ لێك گوهارتێ بى (كه‌ل و په‌ل به‌رامبه‌ر
كه‌ل و په‌له‌كێ دى).
بازرگانى و لێكگوهارتن دشيان دايه دناڤبه‌را دوو لايه‌نان دا بهێته
ئه‌نجام دان (بازرگانيا دوو لايه‌نى) يان پتر ژ دوو لايه‌نان (بازرگانيا فره لايه‌ن).
پاره هاته دروست كرن ژ بو ئاسان كرنا كارێ بازرگانى و د سه‌رده‌مێ
نوكه دا كارتا ئه‌لكترونى و هه‌روه‌سا بازرگانيا ئه‌لكترونى ده‌ركه‌تيه هه رژ
بو مه‌ره‌ما سانه‌هى كرنا كارێ بازرگانى و ئه‌نجام گه‌هاندنا كرينا بله‌ز.
گرنگيا بازرگانى
• رێكه‌كا
گرنگه بو لڤينا ئابورى و پێكگهورينا كه‌ل و په‌لان.
• بازرگانى
سه‌رچاوێ داهاتى يه بو گه‌له‌ك كه‌سان.
• دئێته
هژمارتن تمام كه‌را پيشه‌سازيێ، پيشه‌سازى مفا نامينت بێى بازرگانى كو دبيته ئه‌گه‌ر
به‌رده‌وام بيت ل سه‌ر به‌رهه‌مئينانێ.
• دئێته
هژمارتن گرنگترين رێكا پێكگهورينا روشه‌مبيرى، كو بازرگان هاتن و چونێ دناڤبه‌را
هه‌مى ده‌ڤه‌ران كو دبنه نوينه‌رێن ولاتێن خو، و روشه‌مبيرى و كه‌لتورى، و مه‌زنترين
به‌لگه ل سه‌ر وێ چه‌ندێ بازرگانيكرنا بازرگانێن عه‌ره‌بێن موسلمان بو روژهه‌لاتا
ئاسيا و موسلمان بوونا گه‌له‌ك نه‌ته‌وان ب رێكا وان بازرگانا.
• گه‌له‌ك
هه‌لێن كارى په‌يدا دكه‌ت كو ده‌زگه‌هێن بازرگانى بشێوه‌كێ گشتى پێدڤى گه‌له‌ك كه‌سانا
كو كار تێدا بكه‌ن.
• هوكاره‌كێ
سه‌ره‌كيه يێ بهێزكرنا ئابوريا ولاتان.
كارێ بازرگانى نه كاره‌كێ ئاسانه، به‌لكو پێدڤى بگه‌له‌ك هه‌ولێن مه‌زن
هه‌يه ژ بو پێشئێخستنا وێ، و ژ يا هه‌ميێ گرنگتر گرنگى دان ب پيشاندانا كه‌ل په‌لى،
و هه‌روسا ريكلام كرنا وێ بشێوه كێ دروست بو ده‌ڤه‌رێن به‌رفره و ده‌رڤه‌ى
ولاتى, و هه‌روه‌سا ئاسانكرن كارێ بازرگانى ژلايێ ده‌وله‌تێ ڤه بو ده‌رڤه.
بنه‌مايێن پێشڤه‌چوونا بازرگانى
بازرگانى پێدڤى ب گه‌له‌ك بنه‌ما هه‌يه داكو به‌رده‌وام ببيت و باشتر
و به‌رفره‌هتر لێ بێت، و ژ ڤان بنه‌مايان:
• به‌رهه‌مئينانا
كه‌ره‌سته و كه‌ل و په‌لێن پێدڤى بو بازرگانيێ كو چ يێن گشتو‌كالى بن وه‌ك گه‌نم
و په‌مبى...، يان يێت دروستكرى وه‌ك ئسمه‌نت و جلك و ....، و بازرگانى نائێته ئه‌نجام
دان هه‌تا كه‌ل و په‌ل يێ ئاماده نه‌بيت.
• به‌رهه‌ڤكرنا
رێكێن ڤه‌گوهاستنا كه‌ل و په‌لان ژ بو ڤه‌گوهاستنا وان ژ جهێ به‌رهه‌مئينانێ بو
جهێ فروتنێ، و ئه‌ڤ رێكه چێدبيت هشكاتى بن وه‌ك ترومبێلان و شه‌مه‌نده‌فرا، يان
ده‌ريايى وه‌ك گه‌مى و سه‌فينان, يان هه‌وايى وه‌ك فروكان.
• دانانا
بازاران كو تێدا كارێ بازرگانى بهێته كرن، و ئه‌ڤ بازاره چ يێت راستى بن يان يێت
ئه‌لكترونى لسه‌ر ئه‌نترنێتێ كو كارێ بازرگانى تێدا بهێته ئه‌نجام دان.
• دابينكرنا
ئاسايش و ئاراميێ كو تێدا كريار و فروشيار ب ئارامى و بێ ترس كارێ بازرگانى بكه‌ن،
و كو لده‌مێ نه بوونا ئاراميێ، كارێ بازرگانى بزه‌حمه‌ت دكه‌فيت و كێم بيت ژ به‌ر
ترسا بازرگانان و كريار و فروشيارا ل سه‌ر گيانێ وان و مالێ وان.
• ئابوره‌كێ
بهێز ژ لايێ ولاتى ڤه و پشته‌ڤانى ژلايێ سه‌رمايه‌داران ڤه، كو سه‌رمايه‌دار
دڤێت كارێ بازرگانى پێشبێخن.
راپورت ل سه‌ر بازركانى رابورت بازرگاني بازركاني تجاره تقرير
