پێشه‌كى
هه‌ر تاكه كه‌سه‌كى به‌هره‌يێن تايبه‌ت هه‌نه ئه‌م هه‌مى ده‌مان پيتڤى دبيت به‌هره‌يێن خو و شيانێن خو باشتر بكه‌ين و به‌ره‌ڤ پێشڤه ببه‌ين ب شێوه‌يه‌كێ گشتى بۆ په‌ره‌پێدانا به‌هره‌يان ئه‌م پێتڤى چه‌ندين فاكته‌رێن سه‌ره‌كى دبين كو هاريكار دبيت بۆ به‌ره‌ڤ پێشڤه‌برنا به‌هره‌يێن مه ژ وان فاكته‌ران ئه‌م دێ به‌حسێ چه‌ند فاكته‌ره‌كا كه‌ين.
خواندنا په‌رتوكا روژانه
خواندنا په‌رتوكا به‌هره‌يێن مه به‌ره‌ڤ
پێشڤه دبه‌ن و پێزانينێن مه باشتر لێ دكه‌ن, كو هه‌ر ده‌مێ ژمارا ئه‌وان په‌رتوكان
يێن تاكه‌كه‌س دخوينت زێده‌تر ببن شيان و به‌هره‌يێن ئه‌وى تاكه‌كه‌سى زێده‌تر
دبن, كو خواندنا په‌رتوكا روژان وه‌ك خوارنا مێشكى يه و تێركرنا مێشكى ب
پێزانينان ب شێوه‌يه‌كێ به‌رده‌وام.
بهێزكرنا بيردانكێ
ئه‌م دشێن شيانێن بيردانكا خو زێده بكه‌ين ب رێكا راهێنانان ل دور ژبه‌ركرن چه‌ندين تشتان د ڕوژانه‌دا, وه‌ك ژمارێن ته‌له‌فونێ يێن گرنگ و ژمارێن به‌لگه‌نامه‌يان و چه‌ندين رێكێن ديتر كو شيانێن بيردانكێ ل ده‌ڤ مروڤى زێده‌تر دكه‌ن ب شێوه‌يه‌كێ گشتى دگه‌ل بورينا ده‌مى.
سه‌ركه‌فتن ب سه‌ر ترسێ
هه‌ر تاكه‌كه‌سه‌كى چه‌ند تشته‌ك هه‌نه كو
دبنه ئه‌گه‌رێ مه‌ترسيێ لده‌ڤ وى تاكه‌كه‌سى, وه‌ك ترس ژ ئاخفتنێ به‌رامبه‌ر خه‌لكى,
يان ترس ژ تشتێ نه‌ديار, يان ترسێن ديتر يێ كو دبيته ئه‌گه‌ر كو تاكه‌كه‌س نه‌شێت
ژ بازنه‌يه‌كا دياركرى ده‌ربكه‌ڤيت, كو دبيته ئه‌گه‌رێ ڕاوه‌ستانا وى ژ به‌ره‌ڤ
پێشڤه چوونێ ژ ده‌رڤه‌ى ئه‌وێ بازنه‌يێ, ل ده‌مێ هه‌بوونا ترسێ ل ده‌ڤ تاكه‌كه‌سى
ئه‌ڤ ترسه دبيت ئه‌گه‌ر كو ببنه رێگر به‌رامبه‌ر
تاكه‌كه‌سى ژ به‌ر ئه‌ڤێ چه‌ندێ پێتڤى ب خو دوير ئێخستن و خلاسبوونێ دكه‌ت ژ ئه‌ڤان
ترسان.
هيڤيدانان
هه‌ر مروڤه‌ك پيتڤى ب هزركرنێ هه‌يه و ئارامبوونێ, ژ بۆ كێمكرنا دوودليێ و فشارێ, هيڤى دانان پێتڤى ب ده‌مێن گونجاى و هه‌روه‌سا پێتڤى ب ئارام بوونا جه‌سته‌ى و مێشكى هه‌يه, پاشى هه‌لبژارتنا په‌يڤێن ئه‌رێنى يێن ئارام بوونێ ل ده‌ڤ ئه‌وى په‌يدا دكه‌ت, وه‌ك ده‌ربرينێن كورت يێن ئارامكه‌ر و دلڤه‌كه‌ر, يان هه‌ر تشته‌ك كو بێهنته‌نگيێ نه هێليت, و به‌رده‌وام بوون ب بێهنهه‌لكێشان ب ئارامى, دگه‌ل دووباره‌كرنا گوتنا ئه‌ڤان په‌يڤان يێن هه‌ستێن ئه‌رێنى په‌يدا دكن و هه‌روه‌سا چه‌ندين رێكێن ديتر كو فشارێ ل سه‌ر مروڤى كێم دكه‌ت و ئاراميا ده‌روونى ل ده‌ڤ مروڤى په‌يدا دكه‌ن.
ديركه‌فتن ژ هزرێن نه‌رێنى
پيتڤى يه هه‌ر مروڤه‌ك ڕاوه‌ستيت و خو دوير
بێخيت ژ هزرێن نه‌رێنى و هزر د ئه‌وان خالێن ئه‌رێنى دا بكه‌ت يێن هێزێ پێ دده‌ن
وه‌ك ئه‌وان ده‌ستكه‌فتيان يێن ب ده‌ست خوڤه ئيناين, و دشياندايه ئه‌ڤ چه‌نده
بهێته بجهئينان ب رێكا نڤێسينا ئه‌وان كاران يێن تاكه‌كه‌س پێ رادبيت ب شێوه‌يه‌كێ
به‌رده‌وام, كو دبيته ئه‌گه‌رێ هاندانێ و رژدبوونێ و به‌ره‌ڤ پێشڤه برنا به‌هره‌يان
ل ده‌ڤ هه‌ر تاكه‌كه‌سه‌كى.
به‌هره - به هره - به‌هره راپورت - دارشتن
